مصدر ل"كود": "دوزيم" هي اللي طلبات من "الاولى" التغطية المشتركة وها علاش

اكد مصدر من ادارة القناة الثانية ل"كود" ان بث القناة لنشرات اخبارية مواكبة لزلزال الجمعة السبت اللي فاتو٬ مع "الاولى" التابعة للشركة الوطنية للاذاعة والتلفزيون٬ كان مبادرة من "دوزيم".
مصدر "كود" اكد باللي "حنا اللي بادرنا وطلبنا تكون تغطية مشتركة".
وبرر مصدر "كود" هاد الشي بكون الحدث كبير والقناة ماشي اخبارية باش تقدر تغطي 24 ساعة كما شدد ل"كود" "كلشي كيضامن باش نتغلبو فالمغرب على تبعات هاد الزلزال المدمر اللي ضرب بلادنا٬ قلنا علاش ما نتعاونوش فالتغطية الاعلامية".
هاد التجربة كانت قلقات صحافيين وصحافيات ف"دوزيم". تجربة بينات الفرق لكبير بين قناة قادرة تواكب الاحداث لكبيرة =دوزيم" واخرى ما تبدل فيها والو وكلشي فيها قديم =الاولى= لا فالشكل لا فالمضمون لا فخدمة ديال التيران.
فهاد الزلزال تميزات "دوزيم" فالتقديم فالربورطاجات. واخا اجهزة فالدولة ما عطاتهاش حتى النص اللي عطاوه لقنوات اجنية لا من حيث توفير ضيوف ليهم لا من حيث انجاز ربورطاجات مع الجيش او الدرك٬ واخا هاكاك٬ قدمو انتاج احترافي