شوهة. الضو طفا فتيران فاس على المنتخب المغربي الاولمبي والبرازيل والظلمة طولت

تقطع الضو فالتيران الكبير ديال فاس فالماتش اللي بادي دابا بين المنتخب الوطني المغربي الأولمبي ومنتخب البرازيل بطل الاولمبياد، اللي لاعبين ماتش أميكال ما بينهم.
وتفاجأ كلشي اللي فتيران فاس الكبير من لاعبين المنتخبين المغربي والاولمبي والجماهير بالضو وهو كيطفى فالتيران ملي بدا الشوط الثاني من الماتش، وحتى حد ما فاهم شي حاجة.
انقطاع الضو فالتيران كيقدر يوقع فبزاف من تيرانات العالم، ولكن راه انقطاع الضو فتيران فاس طول، لدرجة ان قناة الرياضية قطعت البث من الملعب ورجعت الأستوديو ديالها، وهذا الشي يقدر يمس بصورة الكرة المغربية خصوصا وان المغرب عليه العين حيث مرشح لاستضافة احداث رياضية كبيرة بحال كاس افريقيا وكوب ديموند.