لامين يامالا: انا واضح.. كنت ديما باغي نلعب مع اسبانيا ونربح معها كاس اوروبا وكوب دي موند

أكد لامين يامال لاعب البارصا والمنتخب الاسباني من أصول مغربية، أنه كان ديما كيحلم يلعب مع منتخب اسبانيا ملي كان صغير، ودابا تحقق الحلم ديالو حيث عيط له مدرب لاروخا لويس دي لافونتي.
وتخدث لامين يامال فحوار نشرو الاتحاد الاسباني على الموقع ديالو وقال: "ما متيقش وكنتمنى نتمتع بذا الشي، لعب ديما مع اسبانيا من منتخب 15 عام، وراه كان الاختيار واضح عندي حيث كنت باغي نلعب مع اسبانيا، وباغي نربح كلشي مع هذا المنتخب سوا كاس اوروبا او كاس العالم".
وفضل لاعب البارصا لامين يامال مول 16 عام، اللي من أب مغربي وأم من غينيا الاستوائية وتزاد فإسبانيا، (فضل) يلعب مع المنتخب الاسباني، وكان الناخب الوطني وليد الركراكي تلقاه وشرح له البروجي ديال المنتخب المغربي ولكن ما عيطش له، وبالمقابل عيط له مدرب اسبانيا.