نابي: الكلاسيكو كان زوين خسروه الحمرات.. كون ما خداوش الرجاء الطرد كنا نقولو التعادل مزيان لينا وليفار جاو لكازا يربحو

اعتبر التونسي نصر الدين نابي مدرب الجيش الملكي، أن ماتش الكلاسيكو مع الرجاء الرياضي اليوم الاحد فستاد دونور بكازا كان زوين، وأكد ان الرجاء كون ما خرج له عبد الله خفيفي بالطرد فالشوط الأول كان غيكون ماتش آخر معهم.
وتحدثت نصر الدين نابي بعدما تعادلو الرجاء وليفار بنتيجة 2 مقابل 2، وقال: "الماتش كان زوين وكانت فيه الكرة، الحاجة اللي خسراتو هي الحمرات ديال عبد الله خفيفي من الرجاء وزكرياء الهبطي لاعب ليفار".
وكمل مدرب الجيش الملكي: "سوى أنا أو مدرب الرجاء لعبنا ماتش مفتوح، ولعبنا على الرباح وبغينا نخرجو رابحين، وكون ما خداوش الرجاء حمرا فالشوط الأول، كنا نقدرو نعتبرو التعادل نتيجة إيجابية، واخا ما جيناش لكازا على التعادل كنا باغيين الرباح".