زينباور: الحمرا خرجت علينا ضد ليفار وكنطلب المسامحة من الرجاء على هاد النتيجة

تقلق الألماني جوزيف زينباور مدرب الرجاء الرياضي حيث الفريق ضيع الرباح فالكلاسيكو، وخرج بالتعادل مع الجيش الملكي اليوم الاحد فستاد دونور فكازا، برسم الدورة 2 من البطولة الاحترافية لكرة القدم.
وتحدث زينباور فتصريح له بعدما سالا الماتش بين الرجاء والجيش الملكي بنتيجة 2 مقابل 2، وقال: "تحكمنا فالماتش، ما عرفتش والكرة فيها لمسة يد او لا، المهم رجعنا دغيا فالنتيجة وماركينا هدف زوين".
وكمل مدرب الرجاء: "البطاقة الحمرا خرجت علينا فالماتش، حاولنا نجيريو المباراة وخصوصا دفاعيا، درنا 3 الهجمات مرتدة كنا على الأقل نماركيو بها الهدف الثالث، ولكن غلطنا وتضرب علينا التعادل وكنطلب المسامحة من الفريق ديالي".