كريستيانو توج بكأس العرب.. النصر ربحو الهلال فالفينال وداو كوب داراب

توج فريق النصر السعودي بكأس العرب اليوم السبت بالطائف فالسعودية، بعدما ربح فالفينال المواطن ديالو الهلال، وبالتالي كيخلف الرجاء الرياضي حامل لقب النسخة الماضية، واللي كان قصاه النصر من ربع النهائي.
وسالا الماتش اللي لعبو طاقم تحكيم مغربي بقيادة رضوان جيد، (سالا) بين النصر السعودي فريق الأسطورة كريستيانو رونالدو والهلال بنتجية 2 لواحد لمصلحة النصر.
وكان الهلال هو اللي متقدم فالماتش بواحد لزيرو ماركاه له ميشيل ديلكادو فالدقيقة 51، ولكن النصر قدرو يجيبو التعادل بواسطة كرستيانو رونالدو فالدقيقة 74، وبعدها سالا الوقت الأصلي من الماتش بالتعادل، مع العلم أن النصر بقاو لاعبين ناقصين من الدقيقة 71 بعد خروج علي العمري بالحمرا.
ومشاو الفريقان إلى الأشواط الإضافية، واللي عرفت تسجيل كرستيانو رونالدو للهدف الثاني والرباح للنصر فالشوط الاضافي الأول، ومن وراها تطرد مدرب النصر لويس كاسترو بسبب الاحتجاج على التحكيم، وفالشوط الثاني خرج كريستيانو رونالدو حيث توعت وبقات النتجية كما هي.