بيدروس: "أنا مغربي وقلبي مغربي" وغندير جهدي كامل باش نربحو فرنسا والمغرب يتأهل

عبر الناخب الوطني رينالد بيدروس مدرب المنتخب المغربي للسيدات، على الاعتزاز ديالو بتدريب المنتخب المغربي والعمل بالمغرب، وأكد أنه مغربي بالقلب، وغدا فالماتش ضد فرنسا، البلاد ديالو، غيكون مغربي، وباغي يربح باش يهدي الفوز والتأهل للمغاربة اللي ما شاف منهم غير الخير.
وتحدث رينالد بيدروس فتصريح له قبل ماتش المنتخب المغربي وفرنسا برسم ثمن نهائي كأس العالم للسيدات 2023، وقال: "انا فرنسي والطاقم ديالي فرنسي وعدنا لاعبات بالمنتخب المغربي كيلعبو بفرنسا ولكن قلبي مغربي اليوم، دوزت 3 سنين فالمغرب وعشت حوايج استثائيين غنديرو كلشي باش نربحو فرنسا".
وأكد الفرنسي بيدروس رينالد مدرب المنتخب المنتخب المغربي وقال: "اليوم ما كاينش مجال للتفكير مع من غنكون.. أنا مغربي دوزت حوايج أنكروايابل مع المنتخب المغربي وغندير جهدي كامل باش نربح فرنسا".