سلمى أماني ل"كود": الفوز على كوريا أنكروايابل.. مازال عندنا كولومبيا خاصنا نربحوها وهدفنا التأهل للثمن

عبرت لاعبة المنتخب المغربي سلمى أماني على الفرحة ديالها بالرباح اللي تحقق اليوم الأحد أمام كوريا الجنوبية، برسم الجولة الثانية من كأس العالم 2023، وأكدت أنها هي وصحباتها غيوجدو للماتش الجاي باش يربحو ويتأهلو للدور الثاني.
وتحدثت سلمى أماني بعد فوز المنتخب المغربي على كوريا الجنوبية وقالت فتصريح لموقع "كود": "مفتاخرين بزاف بهاد الرباح اللي كنهديوه لعائلاتنا ولجميع المغاربة اللي متبعينا وكيشجعونا. صعيب توصف املشاعر الزوينة اللي كنعيشوها هذا الشي أنكخوايابل".
ووضحت لاعبة المنتخب المغربي: "كان خاصنا نتيقو فريوسنا ونتجاوز الخسارة أمام ألمانيا، هاد الرباح مهم بزاف لينا ولكن راه مازال ما ساليناش وعندنا ماتش خاصنا نربحوه ولوبجيكتيف ديالنا هو الفوز على كولومبيا ونتاهلو لثمن نهائي المونديال.