بالصور.. الوزير بايتاس داير "المعروف" بطعم السياسة فسيدي إيفني بعدما رجع من الحج ومنتخبين وأعيان من سوس والصحراء قاطعوه

اليوم فسيدي إفني داير الوزير المنتدب لدى رئيس الحكومة، والوزير المكلف بالعلاقات مع البرلمان، والناطق الرسمي باسم الحكومة مصطفى بايتاس سلكة (لي كاتسمى بالمعروف) فدارو فسيدي افني.
بايتاس داير هاد الوليمة بطعم السياسة، دار اتصالات كثيرة هاد الأيام بمنتخبين واعيان وفاعلين فالمنطقة، خصوصا فسوس وجهة كلميم وادنون، بايتاس باغي يرد راسو واحد من الأعيان واخا مدار حتى شي إضافة للساكنة من غير "البلا البلا".
فهاد الوليمة كاين لي مامشاش ليها من سياسيين ومنتخبين وفاعلين، خصوصا في ظل استمرار التوتر السياسي داخل الجهة وفي ظل غياب التوافقات التي كانت في وقت سابق عنوان للسياسة في جهة كلميم وادنون.
الوزير كان ترأس الوفد الرسمي للحجاج المغاربة هاد العام لي مشى للديار المقدسة وجا اليوم يدير السلكة فبلادو سيدي ايفني.
السلكة لي دار بايتاس اليوم حضرو ليها مواطنين من سيدي إفني وكاين لي جايب ليه الجمال.