بودريقة فراها مع الورفلي وعطاه فلوسو وقرب يحل مشكل المنع من الانتدابات

كيواصل محمد بودريقة رئيس الرجاء الرياضي حل مشاكل النزاعات والمنع من الانتدابات، اللي لقا الفريق واحل فيها بعدما خذا رئاسة النادي من عزيز البدراوي الرئيس السابق.
وقدر محمد بودريقة يدير حل لمشكل الرجاء الرياضي مع اللاعب السابق ديالو الليبي سند الورفلي، اللي عندو حكم من الاتحاد الدولي لكرة القدم ضد الفريق الأخضر، وخلص له 285 مليون سنتيم.
وخدام محمد بودريقة هو والمكتب المديري ديالو على عدة جبهات فالرجاء الرياضي، حيث خاصهم يحيدو المنع للي على الفريق من الانتدابات، بحل مشكل النزاعات وراه قربو يفكو مشكل المنع باش يقدرو يقيدو اللاعبين الجداد.
وكذلك القيام بصفقات جديدة من خلال التوقيع مع لاعبين جداد خلال هذا الميركاتو، حيث باغي يلعب على البطولة الاحترافية وكأس العرش الموسم الجاي، وأيضا، راه كيحيد المستحقات اللي كيسالوها اللاعبين وكيصرف لهم ليبريم ديالهم.