بودريقة والمكتب ديالو مستمرين فحل مشاكل الرجاء اللي خلاها البدراوي باش يسجلو اللاعبين الجداد ولقاو حل مع كبانكو

كيواصل المكتب المديري للرجاء الرياضي حل مشكل النزاعات اللي خلاه الرئيس السابق للنادي عزيز البدراوي وراه، وهذا المشكل هو اللي مانع الفريق من تسجيل اللاعبين الجداد.
وقدر المكتب المديري لنادي الرجاء الرياضي برئاسة محمد بودريقة في اطار السياسة ديالو لرفع المنع عن التعاقدات والمترتب عن النزاعات المقدّرة بمليار و200 مليون سنتيم، (قدر) يتوصل إلى حل توافقي مع اللاعب الكونكولي جونس كابنكو كاديما، وحلو معه المشكل والنزاع ديالو مع الفريق.
وهذا هو ثاني ملف كيتم طي الصفحة ديالو نهائيا من طرف المكتب المديري للرجاء الرياضي برئاسة محمد بودريقة، بعد ملف اللاعب ويلسون، وراه اكد المكتب انه غيواصل على هذا النهج حتى إنهاء وتسوية جميع النزاعات، لتمكين الفريق من تسجيل لاعبيه الجدد لهذا الموسم الجديد.