واش كانوا سادين عليه بالجوع؟ النصيري رجع ضعيف لإشبيلة بعد العطلة واستنفار فالفريق خوفا المستقبل ديالو

عادة ملي كيرجعو الكوايرة للفرق ديالهم من عطلة الصيف، (كيرجعو) وهم زايدين فالوزن، ولكن العكس هو اللي واقع مع النجم المغربي يوسف النصيري اللي رجع لفريقو إشبيلة ناقص فالبوا ديالو، وما سافرش معه لخوض المعسكر التدريبي بألمانيا.
وحسب جريدة "AS" الإسبانية، فالعطلة كانت بالعكس عند يوسف النصيري مهاجم إشبيلة الإسباني، فبلاصة ما يجيب كيلوكرامات زايدين، رجع للتداريب د الفريق ضعيف بزاف، لدرجة أن النادي دار له خطة وبروكرام بدني وغذائية باش يخدمو معه يرجع فيزيكمون للوضع ديالو.
نفس المصدر، وضح أن إشبيلة باغيين يرجعو النصيري اللي ضعاف جسديا، بشكل اللي سالا به الموسم الماضي كهداف واعر، ودابا الهدف ديالهم معه هو يزيد كيلوكرامات ويكبر العضلات، وهذا الشي أساسي باش يحصل على الشكل المناسب ويتقاتل ضد دفاعات الخصوم.
وأكدت الجريدة الإسبانية، أن إشبيلة مستاعدين يتنازلو على خدمات يوسف النصيري، مقابل 40 مليون أورو والفوق، وراه كاينين محادثات مع فرق أوروبية وحتى عروض من السعودية، ولكن ما كتوصلش للمبلغ اللي طالب الفريق الاسباني وحتى الفريق اللي باغي النصيري يلعب معه مازال ما بانش، ولكن الجريدة الإسبانية ختمت وتنبيه وقالت: "إذا الحالة الجسدية ديال النصيري ما تحسنتش راه المستقبل ديالو مجهول".
https://as.com/futbol/primera/en-nesyri-vacaciones-inversas-n/