الرجاء شدو الطريق لقطر باش يلعبو مع السد ومنها للسعودية يشاركو فكاس العرب

شدات بعثة الرجاء الرياضي اليوم الخميس، الطريق نحو قطر، باش يدير الفريق معسكر إعدادي قبل كأس العرب اللي مشارك فيها بالسعودية.
ووصلت بعثة الرجاء الرياضي غير دابا شوية إلى مطار محمد الخامس بالدار البيضاء، وغتاخذ الطائرة إلى العاصمة القطرية الدوحة، حيث الفريق عندو غدا الجمعة ماتش أميكال مع السد القطري، راه بعثة الرجاء فيها حتى اللاعبين الجداد واللاعبين اللي راجعين من الإعارة والمدرب جوزيق زينباور باغي يشوف مستواهم.
للإشارة فالسد القطري مكلف بكل ما كيخص الرجاء الرياضي بقطر من بعثة ومعسكر وكل مصاريف الفريق، وبعدما يلعب الفريق الأخضر الماتش ضد السد القطري غيمشي للسعودية باش يشارك فكأس العرب، وغيلعب مع بلوزداد الجزائري والكويت الكويتي والوحدة الإماراتي.