الرجاء شدو الطيارة لوجدة باش يلعبو مع المولودية

شدات بعثة الرجاء الرياضي الطريق لمدينة وجدة، باش يلعب الفريق ضد المولودية الوجدية غدا السبت برسم الدورة 28 من البطولة الإحترافية لكرة القدم.
وخذات بعثة الرجاء الرياضي الطائرة من مطار محمد الخامس بالدار البيضاء إلى مطار وجدة وقلعت غير دابا، ومن بعدما توصل غيمشي الفريق مباشرة إلى فندق الاقامة ديالو، ومشى معها الطاقم التقني الجديد بقيادة المدرب الألماني جوزيف زينبايور، واخا هشام بوشروان هو اللي غيدرب الفريق أمام مولودية وجدة حيث المدرب الجديد ما غيكون مكونفوكي حتى الماتش ديال ليفار.
وغيلعب الرجاء الرياضي غدا السبت مع مولودية وجدة فماتش مهم بالنسبة للفريقين، حيث الخضرا كتقلب على الرباح باش تاخذ المركز الرابع اللي يقدر يؤهل الفريق إلى كأس الكاف، والمولودية محتاجة لكل نقطة باش تصوفي من الطيوح للقسم الثاني.