ضوسي السمسرة القضائية بمحاكم كازا ... ها التهم لي تابعو بها المحامين

كشفات مصادر " كود " ان التهم لي تابع فيها 4 ديال المحامين المنتمين لهيئة كازا ،ولي من ضمنهم محامية ،وهي المشاركة في جناية الرشوة والسمسرة ،وجلب الزبناء والمس بالمعطيات ذات الطابع الشخصي .
المصدر ديانا تيقول ،ان المتهمين الاربعة دازو فمصلحة التقديم واستنطقهم نائب الوكيل العام بمحكمة الاستئناف بكومناف بحضور النقيب ونقباء سابقين ،من بعد تم الاحالة على قاضي التحقيق بعدما التمس الوكيل العام اعتقال 3 منهم و متابعة واحد في حالة سراح .
اعتقال المحامين جاء بعدما كان قاضي التحقيق بالغرفة الاولى سبق وان اعتقل جوج نواب وكيل الملك بالمحكمة الابتدائية بعين السبع ومجموعة ديال السماسرة من ضمنهم موظفين وكتاب ديال المحامين على خلفية هذا الفلم ديال السمسرة والتوسط في ملفات معروضة على القضاء ،ولي تتقول المصادر ديانا ان هذا الحملة مزال مستمرة ولي تقدر طيح مجموعة اخرى في الايام القادمة .