ضوسي السمسرة القضائية بمحاكم كازا ... المحامون تم الاستماع ليهم وتحالو على الوكيل العام بمحكمة كومناف

كشفات مصادر " كود " ان المحامون الاربعة لي تنتميو هيئة كازا تحالو زوال اليوم الثلاثاء على انظار الوكيل العام بمحكمة الاستئناف ديال كومناف ,وذلك من اجل النظر في المنسوب اليهم على خلفية ضوصي السمسرة فالقضاء او لي تفجر مؤخرا بمحاكم كازا ،او كانو تعتاقلو فيه قضاة موظفين وسماسرية.
المصدر ديانا قال ،ان هذه المجموعة ديال المحاميين لتم التقديم ديالهم عند الوكيل العام من ضمنهم محامية ،راهم دبا في التقديم فانتظار القرار لي غادي تاخدو النيابة العامة في حقهم وذلك بعدما كانو جوج محاميين دار شواهد طبية ،وبعد انتهاء مدة العجز تقدمو عند الوكيل العام بحضور النقيب ومجموعة من المحاميين بنفس الهيئة.
وكانت عناصر الفرقة الوطنية ديال البوليس استمعت الى هذا المجموعة ديال المحاميين في محاضر رسمية ،ومواجهتهم بتصريحات الاشخاص لتم الاستماع اليهم ،وكذا بالتفريغ ديال محتويات الهواتف والمكالمات الهاتفية ولي تم التقاطها بتعليمات قضائية ،على خلفية ملف ما بات يعرف عند الراي العام بملف السمسرة والتدخل فملفات معروضة على القضاء بمحاكم كازا .