قاضي التحقيق فكازا هبط 8 ديال الجدارمية للعواكش كانو كيتعاونو مع جوج بزنازة نواحي بني ملال

البارح الاثنين بالليل قرر قاضي التحقيق بمحكمة الاستئناف ديال كومناف بكازا ايداع 8 موظفين ديال جهاز الدرك الملكي
سجن عكاشة عندهم الصيغة الضبطية ،على خلفية ملف مسطرة مرجعية ديال جوج بارونات المخدرات نواحي بني ملال ،كان شدو سنة 2022 من طرف عناصر الفرقة الوطنية ديال البوليس بني ملال ومن بعدما حجزو الهاتف ديال هذا الجوج بزناز ولي صابو فيه تسجيلات صوتية وفيديوهات تتوثق عملية الارتشاء بالاضافة الى ارقامهم الهاتفية .
المصدر ديانا تضيف ،ان هذا المجموعة ديال الجندارم لقرقب عليها قاضي التحقيق مورط فملف الارتشاء وافشاء السر المهني والتستر على بارونات مخدرات بالمنطقة والتستر على شخص مطلوب للعدالة والمشاركة في هذه الأفعال الإجرامية ويتعلق الامر بعناصر ديال الجندارم برتب مختلفة كانو خدامين بالمراكز الترابية والقضائي التابعة للقيادة الجهوية لدرك الملكي بني ملال .
المصدر نفسه قال ،ان هذه قرار قاضي التحقيق جاء بعدما احال الوكيل ديال الملك فمحكمة الاستئناف ديال كازا المتهمين ملتمس من قاضي التحقيق اجراء تحقيق معهم ،وذلك بعدما قدموهم عناصر الفرقة الوطنية الأبحاث القضائية التابعة لجهاز الدرك هذا المجموعة يوم يوم امس الاثنين ،وذلك بعدما انهت عناصر الفرقة الوطنية ديال الجندارم مسطرة البحث التمهيدي بخصوص المسطرة المرجعية ديال جوج بزناز كبار .
المصدر ذاته قال، ان عناصر الفرقة الوطنية ديال الجندارم غادي تحيل مجموعة اخرى ديال الجندارم فالايام القادمة لمورط مع هذا تجار المخدرات ،وذلك بعد انتهاء مسطرة الاستماع وتحليل اثار جنائية تتعلق بالمكالمات مع البزنازة .