الزلزولي غيسافر هو ولامين يامال مع البارصا للميريكان وشادي رياض ماغاديش

غيكون الدولي المغربي عبد الصمد الزلزولي حاضر مع البارصا الإسباني فالجولة ديال الفريق بالولايات المتحدة الأمريكي خلال هذا الصيف، اللي غيلعب فيها الفريق ماتشات ودية اعدادية تحضيرا الموسم الجاي.
ووجه تشافي هيرنانديز مدرب البارصا الدعوة إلى 32 لاعب باش يسافروا معه إلى ميريكان، ومن بينهم الدولي المغربي المتألق عبد الصمد الزلزولي، اللي راجع من فريق أوساسونا بعدما دوز معه موسم واعر بريطي، والتواجد مع البارصا فالمعسكر ديال الميريكان هو علاش كان كيقلب عبد الصمد الزلزولي، باش يوري المسؤولين د الفريق الإمكانيات ديالو حيث باغي يدير بلاصتو فالتشكيلة الأساسية، وراه سمح الزلزولي فالعطلة ديالو هذا الصيف باش يلتحق بالبارصا.
اللائحة ديال البرصا المسافرة إلى الولايات المتحدة الأمريكية، كتعرف تواجد اللاعب الصغير لامين يمالا مول 16 عام، وهو من أصول مغربية وكيلعب مع المنتخب الإسباني لأقل من 21 عام، وكلشي فالبارصا كيتنبأ له بمستقبل كبير كمهاجم للبارصا فالسنوات المقبلة، وبالمقابل غاب اسم المغربي شادي رياض المدافع اللي يالاه ربح كأس إفريقيا مع عبد الصمد الزلزولي رفقة المنتخب المغربي لاقل من 23 عام وحقق معه التأهل لأولمبياد باريس.