الركراكي برك مع لاعبات المنتخب قبل مونديال السيدات وموتيفاهن لتحقيق إنجاز مماثل للأسود

برك الناخب الوطني وليد الركراكي مع لاعبات المنتخب الوطني المغربي النسوي، وحفزهن باش يشرفن المغرب فكاس العالم للسيدات استراليا ونيوزيلندا 2023، كيفما دار المنتخب المغربي للرجال فمونديال قطر 2022.
وكشف رونالد بيدروس مدرب المنتخب المغربي النسوية فحوار مع موقع الاتحاد الدولي لكرة القدم، وقال: "بركنا بزاف د المرات مع وليد الركراكي، وهضر لنا على إنجاز كأس العالم، وخدمنا مع اللاعبات على الجانب المعنوي، وراه الحاجات الزوينين خاصنا نستحضروهم".
وأكد بيدروس: "كان ضروري يجي عندنا وليد الركراكي باش يكشف لنا شنو وقع فالمونديال، وراه كان نموذج ومصدر فخر للاعبات، وراه حتى هن عندهم رغبة لتحقيق بحال هذاك الإنجاز، وحتى حاجة ما مستحيلة، خاصنا غير نجتاهدو".