التذكرة بوحدها ما كافياش جماهير الوداد باش تدخل تتفرج فالفينال ضد الأهلي بالقاهرة

غيكون جواز السفر المغربي ضروري باش جماهير الوداد الرياضي تدخل لتيران القاهرة الدولي بالعاصمة المصرية، اليوم الأحد تتفرج فالحمرا ضد الأهلي المصري فذهاب فينال عصبة أبطال إفريقيا.
وفرضو المنظمين ديال ماتش الوداد الرياضي والأهلي المصري بتيران القاهرة الدولي على جماهير الوداد الرياضي اللي باغيا تدخل تتفرج فالماتش الإدلاء بالباسبور المغربي إضافة إلى تذاكر المباراة لدخول الملعب، والتيكي بوحدها ما غتكونش كافية.
ومن المنتظر يعرف ماتش الوداد الرياضي والأهلي المصري حضور كبير للجماهير الودادية، واللي عندها الحق ف 2500 تذكرة فهاد المباراة، اللي غيكون فيها 50 ألف متفرج.