خاصو يجمع راسو ويديها غير فكرة.. تولوز: مشكل بوخلال ونائبة العمدة تحل وسدينا لونكيط

أعلن نادي تولوز الفرنسي أن المشكل اللي كان بين اللاعب ديالو المغربي زكرياء بوخلال ونائبة عمدة تولوز تحل، وأن النجم المغرب غيرجع للتشكيلة د الفريق بعدما تسد التحقيق اللي كان فتحو النادي بسبب الواقعة بين اللاعب والمسؤولة التولوزية.
وجا فبلاغ ديال نادي تولوز: "بعد تحقيقنا الداخلي والبحث راه تم عقد اجتماع بين لورانس أريباجي ولاعبنا زكريا أبوخلل بحضور إدارة النادي، وبعد هذا الاجتماع ، خلصنا إلى أن الحقائق اللي نشرتها RMC Sport لا تعكس ما حدث في 30 أبريل في مبنى الكابيتول".
وأكد تولوز أنه ما غاديش يزيد يتكلم فالموضوع، وأن التحقيق اللي فتحو النادي راه تسد دابا، وأن اللاعب المغربي غيرجع إلى التشكيلة ديال الفريق إبتداء من اليوم الخميس وهذا الشي.
وكان الدولي المغربي زكرياء بوخلال وحسب وسائل إعلام فرنسية تورط في دعم محاربة "المثلية الجنسية"، وبعدها تورط في مشكل مع نائبة عمدة تولوز فيه عنف وتمييز جنسي، حيث ملي كان مدرب تولوز كيلقي كلمة بمناسبة تتويج الفريق بكأس فرنسا كان بوخلال وصاحبو نتشطين ومحيحين وهي قالت ليهم ينقصو شوية من الصداع وهو يقوليها "عندنا، العيالات ما كيتكلموش هكذا مع الرجال" وهي تجاوبو نائبة العمدة وقالت له "حنا بالجمهورية" وهذا الشي حسب الإعلام الفرنسي وراه تولوز كان وقف اللاعب المغربي وفتح تحقيق.