فعز الازمة بين باريس والرباط.. اخنوش غادي يتلاقى غدا مع اريك سيوتي رئيس حزب الجمهوريين الفرنسيين

غدا الخميس 4 ماي غادي يستقبل عزيز أخنوش رئيس حزب التجمع الوطني للاحرار اريك سيوتي رئيس حزب الجمهوريين الفرنسيين.
اخنوش غادي يستقبل سيوتي مع التسعود د الصبح فمقر الحزب.
واريك سيوتي اللي على راس وفد هام، داير زيارة للمغرب مابين 3 إلى 5 ماي، واخا الأزمة اللي واقعة بين الرباط وباريس.
وكان جا فبيان صحفي صادر عن الحزب، أن "هاد الزيارة تؤكد من جديد ارتباط عائلتنا السياسية بأواصر الصداقة اللي كتوحد بلدينا، هذا جزء من استمرارية تاريخ غني بين المملكة الشريفية والعائلة الديگولية، اللي كتميز بالصلة التاريخية اللي جعلت الجنرال دوگول أقرب إلى الملك محمد الخامس، رفيق التحرير".