زجليات اعتابية....(مال الدرويش)

زجليات اعتابية......(مال الدرويش)
مال الدرويش.منتوف الريش
مالو سلخوه.شبعوه طريش
لقيتو مسكين .تعلمو فيه النيش
عماو ليه العين.وخداو حقوقو ف العيش..
مال المسكين .قولي واش ماعندو حق
فين مامشا .القا الباب مطرق
تفقس ف حياتو .والقلب اترطق
طاح ف حفرة الضياع.وتفلق
تزلعو شقوفو .وتكفح زهرو المعلق
داب كيف الشمعة .سالو دمعاتو وتقلق
عاشر الخطية.ماشرا ماباع.ماتسوق
كيف ادير.الى تحرك مزاجو وعشق
كيف ادير .الى توحش فرحو المزوق
رما خطواتو وزاد.ف طريقو ينطق
قال نمشي .مابقا مااتلبق
باراكاخلاص.لا من احن ولامن يعتق
ركب حمارو .يجري بيه ويشهق
عض عضة ف لسانو.حلف ما اطلق
هيجو زمانو عياه.واصبح معوق
واك واك يا عبادالله.واش كاين شي حق
مال الكية قوات.والمعانات بدات تحرق..........
الزجال عبد الرحيم يونس..