الحب المنسي

الحُبْ بْنيرانُو كْوَاني.
وْزِيدْت شْهِيتُو.
من نَظْرة..
فْقَلْبْ الحْبِيبْ.
أنا لْقِيتُو.
أنا شُوقي لِيلُو عْمَاني.
وهو..من حُبُو رماني.
بكيت عليه..زاد و خَلَاني.
عُمْري ما لْقِيتُو يْعَاني.
الْحُب عَنْدُو سْريعْ.
يْتْقَاسْ بالثَوَاني.
و الحُب عَنْدِي سْمِيع.
يْتْغَنَوا بيه الأغاني.
كْلاَمُو جْميل يْحْلالو سْماعي.
و فْعْلُو غْرِيب يْزِيدْ سْقَامي.
نْرْفضو أَنا ما نْقدَر.
على فْراقي هو ما يْصْبَر.
(2)
عْلَاشْ اللي أنا حبيتو..
ݣَّاع ما مسۆل
بْغِيتْ غِيرْ نْعرف
علامن معۆل
ما عاز عليك ..
هذ القلب المذڵل
من تصرفاتك نحاول..
نفهم و نعڵل
سباب غيابك المرفوض
نسميه المدڵل
أسيدي.. جاوبني..
شوف و حڵل
الحب صعيب..
و من حقي راك مقڵل.
(3)
فينك..
فينك .. يا لْحُبْ الْقَاسي.
علِيك أنا..
أنا مَا لْقِيتْ باسي.
واخا قُلْت الحُب.
ما يْدْخُلْ فْلْبَاسي.
لْقِيت راسي.
نْخَالْفْ احساسي.
يا ولد الناس.
أجي نبنوا الساس .
و ما نخَلو لحُبْنا عساس.
ما يْدْخُل فْعْماقْنا الوسواس .
خلينا .. خلينا..
نْعِيشو على قد الْقْياس.