مشكلتي مع خطيبي أش ندير؟

السلام عليكم ورحمة الله وبركاته
مشكلتي كالتالي : خطيبي قبل مايجي لدارنا هضرنا انا وياه وقاللي راه عندو حانوت المواد الغذائية من بعد ماوقعوليه شي مشاكل سدها شي عام ونص. قاللي راه غانعاود نعمرها ونرجع لبيع والشرا تاعي قلت معليش المهم انه متخلق ورجل مزيان وجاد. وفعلا وفى بالكلمة تاعو عمرنصف الحانوت تقريبا وجا خطب لكن كل مرة تيقولي النهار فلاني غانحل السيمانة الجاية نحل وانا تنشوفو باقي ماحل حيت وقت ما هضر معايا تيقولي مازال وتيقولي غير صبري معايا (من الناحية المادية) دابا ربي يسهل امورنا . هو فمدينة قريبة لينا بشي 60 كلم خفت يمشي الوالد يسول عليه حيت باقي ما عملنا العقد يلقاه ساد .. اليوم صارحته نيشان قلتليه خصك تخدم وتحل حانوتك ترزق الله راه غايسول عليك الوالد وتحط فموقف خايب . قاللي راه غير نكملو الاصلاح تاع الدار نحل ويلا بغا باك يشوف الحانوت ندخلو ...انا خفت يكون مولف العكز وحنا فبداية زواجنا خصنا بزاف تاع المصاريف.وقلت للوالدة راه حل الحانوت غير باش ماتبقا تسولني وتقلق بحالي دابا راه مخاصمين بسبب اللي قلته ليه.. قولولي البنات شكون اللي غالط واش انا ولا هو؟ وكيف ندير نخليه يرجع لخدمته ويحيد عليه هاد العكز ؟ ............تزوجنا حرنا جلسنا حرنا.... لكل من عطاتني راي او نصيحة او دعوة ربي يجازيها خير الجزاء وحتى الي قرات ومكتبات والو.. غير دعوة من القلب