فرحةعل خد الريح

أجيني كيف تمنيتك
من صرصر
من جهة القصر ..
من بلاد الصغر
أجيني..
طاوية الريح عل الصبر
زارعة الما ف القهر
كلمة
تخشات فظهري خنجر
أجيني
دمعة
ماشافها شفر
روح
طامعه ف عيشة وأكثر
حلمة ..
هربت
من بلاد المنكر
ظلمة
محتاجة ف قمر
خيال
دايز وحده ف البال
حاني راسه وغير فيا يفكر
واش يستاهل هذ الحرف
بين المعاني يتودر ؟
واش تستاهل كلمتي تطيح
و شجرتي يقرضها الريح
ويقلع عروقها عل الجذر ؟
راني غير مجنون
جابو ليك لقدر
عفاك أنامزاوك
وماطالب غير اللي بقي الستر
ستريني بفضيحتي
على قد نيتي …
ويلا غبت
حضري ف بلاصتي أنت ..
أنا مزاوك….!
كني وصيتي ..
للماجي ..وعطيلهم
بريتي