العكاز والمهراز

الطبل خُ الكَنبر
ما يكَر حتى يسخن فوق الجمر
والنغمة فْ الكلمة ما شي فْ حك جر
سر المعنى فيه وفيه دايز
الرمانة عند البقال تغمز فيه
شْرى الصندوق باللي فيه
تاق تيقة العمى فْ العكاز
هبيل ودكَكَ العجينة بالمهراز
أنا مزاوكَ يا قومان
وْحلْ للسان بين السّنان
وعجزت عَلْ لكلام
طاح القَفّال
وضاعت التفويرة
اللي بغا يتبور
يسرج العود
والحكمة ماشي فْ لمكاحل
والبارود
راه كْثر الجمر
على الكَنبر
حتى ذاب من كثرة الحر