الوداد غيسافرو لطنجة فالبراق وحصة تدريبية أخيرة للفريق قبل الماتش

غيختم الوداد الرياضي التداريب ديالو بمدينة طنجة قبل ما يلعب فيها غدا الأربعاء بملعبها الكبير، مع فريق إتحاد طنجة في ثمن نهائي كأس العرش.
وغيسافر الوداد الرياضي اليوم لعشية إلى مدينة طنجة، وغياخد الفريق قطار البراق من كازا فواياجور إلى محطة القطار طنجة، ومن بعدها غينتقل بالحافلة إلى فندق الإقامة ديالو بعروس الشمال وبالليل غتكون آخر حصة تدريبية للفريق بملحق تيران طنجة الكبير.
وكيحل الوداد الرياضي ضيف على فريق إتحاد طنجة مساء يوم غدا الأربعاء في ثمن نهائي كأس العرش، وهي مباراة مهمة بالنسبة للفريق الأحمر اللي عندو رغبة كبيرة يرجع بالتأهل إلى ربع نهائي الكاس الفضية اللي من بين الأهداف ديالو يحققها هذا الموسم.