حنان رحاب والاتحاديات فندوة بسطات: المدونة خاصها اعادة الصياغة من جديد

حنان رحاب مزال في رحلاتها المكوكية فالمغرب من الشمال للجنوب ومن الشرق تالغرب مع منظمة نساء الاتحاد الاشتراكي لي دارت اليوم الاثنين ندوة كان فيها النقاش على مدونة الاسرة ،تحت عنوان المراجعة الشاملة لمدونة الاسرة حماية المجتمع .
وقالت حنان رحاب فتصريح ل"گود" انها عجبها الحال فسطات وبللي قاعة الخزانة البلدية رائعة بزااف ومتخيلتش الندوة تنجح بهاد الطريقة.
وأكدات حنان انها مزال غادا تترافع على القضايا اللي كتخص المرا والاسرة بصفة عامة باش يكون المغرب لي كتحلم به فهاد الإتجاه ،مضيفة ان المدونة لايمكن تعدلها بل اعادة صياغتها من جديد .
وعرفت الندوة حضور كبير لمنابر وطنية ومواطنين لي تفاعلوا بزاف فهاد اللقاء الزوين.