كيفاش تقول غانبدل وفنفس الوقت تعني انك ماغادي تبدل والو.. وهبي: غادي نجتاهدو فمدونة الأسرة وفق الحدود المرسومة فالشريعة

قال عبد اللطيف وهبي، وزير العدل، خلال أشغال المؤتمر الجهوي لحزب الأصالة والمعاصرة بجهة بني ملال خنيفرة، أن وزارتو غادي تجتهد في مدونة الأسرة، ولكن وفق الحدود المرسومة في الشريعة والقناعة ديالنا الدينية". اذا كنفهمو من هضرتو انه موحال يكون شي تغيير نيت نيت، تغيير عندو فعلا وزن، وغادي يشكل فرق ويجيب المساواة الحقيقية...
وأضاف وهبي: "غادي يكون هاد الاجتهاد وفق مقومات مجتمعنا وقيمنا لنغير وضعية المرأة، وغادي يكون عندنا من الجرأة والشجاعة ما يجعلنا نغير الكثير، ولن تثنينا أصوات البعض عن ما سنقدمه من مساواة وحقوق للمرأة، وهذا غير رد لجميلها الكبير لأن المرأة أمنا وأختنا وزوجتنا".
وزاد في ذات السياق أنه عازم بوزارة العدل على إعادة النظر في العديد من القوانين من قبيل القانون الجنائي وفي قوانين وهيئات المؤسسات الأخرى، وذلك تنزيلاً لتوجيهات الملك محمد السادس، بإعادة النظر في مدونة الأسرة.
نتسناو ونشوفر.. ونتمناو فعلا يكون تغيير حقيقي وجدري وماشي غير سطحي وماعندو حتى تأثير..