كاريدو: الماتش ضد فيتاكلوب صعيب ولكن الوداد غيدخل باش يربح ويبين أنه يستاهل التأهل

أكد الإسباني كارلوس كاريدو مدرب الوداد الرياضي أن الفريق الأحمر غيدخل باش يربح فيتا كلوب الكونغولي فالماتش ما بين الفريقين غدا السبت بالكونغو برازافيل، برسم الدورة 5 من ليكروب ديال عصبة أبطال إفريقيا.
وقال كارلوس كاريدو مدرب الوداد الرياضي فتصريح له قبل من مواجهة فيتا كلوب: "ليماتش ديال عصبة أبطال إفريقيا دائما كتكون صعيبة خارج الميدان خاصنا نركزو مزيان فالمباراة ضد فيتا كلوب ونقدمو مستوى مزيان وضروري ندخلو نربحو باش نضمنو التأهل وغنبينو فالتيران بلي حنا كنستحقو التأهل".
للإشارة فالوداد الرياضي وصل البارح الخميس إلى الكونغو برازافيل باش يلعب ضد فيتا كلوب الكونغولي ويعزز صدارة المجموعة 1، والماتش كيتقام استثناء بالكونغو برازافيل حيث فيتا كلوب من الكونغو الديمقراطية ما عندوش تيران كيحترم شروط الكاف باش يلعب فيه.