الركراكي: تلاقيت ابراهيم دياز والمنتخب الوطني ماشي ديال التفاوض وهو ما معاناش اليوم

غاب ابراهيم دياز اللي من أصل مغربي وعندو جنسية إسبانية على لائحة المنتخب المغربي لوديتي البرازيل والبيرو، وهذا في ظل الصراع الذي كان على مؤخرا ما بين الجامعة الملكية المغربية لكرة القدم والاتحاد الإسباني باش اللاعب يلعب لواحد فيهم.
وخلال الندوة الصحافية ديال وليد الركراكي مدرب المنتخب الوطني المغربي، فالحديث ديالو كان واضح وأكد أنه مشى لميلانو بإيطاليا باش يتلقي إبراهيم دياز وشدد بلي حمل قميص المنتخب المغربي ما فيهش تفاوض، وقال بلي إبراهيم دياز اليوم ماشي مع المنتخب المغربي.
وليد الركراكي كان الموقف ديالو ثابت بخصوص اللاعبين اللي عندهم جنسية مزدوجة، وأنه غيحتارم القرارات ديالهم واختياراتهم ولكن بشرط تكون واضحة وغيساندهم فالكاريير ديالهم وغيبقاو مغاربة كيفما كان اختيارهم.