اللعابا ديال المنتخب كيخرجو من المعسكر فالدوحة

كشف الناخب الوطني وليد الركراكي بلي اللعاب ديال المنتخب الوطني المغربي كيخرجو من المعسكر اللي كاين بالعاصمة القطرية الدوحة على هامش كأس العالم 2022، باش يبدل الجو.
وعلق الناخب الوطني وليد الركراكي، على حفل الشوا اللي دار مدرب منتخب إسبانيا للعابا ديالو قبل ماتش المغرب، وقال فالندوة الصحافية اللي كتسبق المباراة بلي هادشي راه مزيان باش يحيد لهم الضغط.
وبخصوص اللعابا ديال المنتخب الوطني المغربي قال الركراكي: "حتى حنا من بعد الماتش اللي فات خلينا اللعابا يخرجو شويا حيث البطولة طويلة وخاص الدراري مرة مرة يخرجو وما عندنا حتى مشكل وكنخليوهم يخرجو.