ماركا: الجامعة المغربية عيطت على إبراهيم دياز باش يلعب المونديال فبلاصة حارث ومابغاش

كشفت تقارير إعلامية صبليونية بلي إبراهيم دياز لعاب ميلان الطلياني، جاتو دعوة من الجامعة الملكية المغربية لكرة القدم باش يكون فكوب ديموند بلاصة أمين حارث اللي توعت ولكن ما بغاش.
وكشفت جريدة "ماركا" الصبليونية أن الجامعة الملكية المغربية لكرة القدم عيطت على إبراهيم دياز النجم ديال الميلان، باش يمشي يشارك مع المنتخب المغربي فكأس العالم فقطر فبلاصة حارث، ولكن اللعاب اللي الأصول ديالو مغربية وعندو جنسية صبليونية ما بغاش حيث عندو رغبة يلعب المنتخب الصبليون.
"ماركا" قالت بلي إبراهيم دياز كيتسنا الصبليون يعيطو له، وكيحلم يلعب مع الصبليون، وحتى المدة اللي متبقية على إنطلاق كأس العالم 2022، كتخلي المشاركة ديالو مع المنتخب المغربي فهاذ البطولة مستحيلة.
https://amp.marca.com/futbol/mundial/2022/11/15/637370bf46163f230d8b45cb.html