شكون هو الزروري اللي خرج لبلهدة ورحيمي من الجنب ومرشح ياخد بلاصت حارث فالمونديال؟

صبح أنس الزروري اللي كيلعب مع بيرلني الننكليزي من المرشحين لتعويض أمين حارث فكوب ديموند من بعدما توعت مع فرقتو مارسيليا وما غاديش يلعب مع المنتخب الوطني المغربي فكأس العالم 2022.
أنس الزروري اللي كاين دابا فالامارات كيدوز عطلة ديالو حيث منافسات "شامبيان شيب" موقفة ، صبح الاسم ديالو حاضر وسط اللعابا اللي مرشحين عند الطاقم التقني ديال المنتخب الوطني المغربي، باش يعوضو أمين حارث فليكيب ناسيونال، مع العلم أن اللعاب مكانش فالائحة الأولية ديال المنتخب المغربي.
وكان أنس الزروري اللي عندو 22 عام انتقل باش يلعب فالننكليز مع بيرلني هاذ الصيف، وجا له من شاغلوروا البلجيكي وماركا 8 لبيوتا وعاطي 2 أسيست فهاذ الموسم مع الفرقة الننكليزبة، وهو لعاب داز فالفئات السنية ديال بلجيكا.
وإلى جانب أنس الزروري اللي صبح من المرشحين لتعويض أمين حارث، فلائحة الاحتياطيين فيها يونس بلهندة وسفيان رحيمي وربنا مايي، وهاذو كيتنافسو دابا باش يخذو بلاصت حارث اللي ما عندو زهر وحتى حاجة ما برجليهم واخا كوايرية حيث القرار عند وليد الركراكي والصطاف ديالو.