الوداد بداو كيوجدو لماتش بيترو أتلتيكو الأنگولي

غايبدا الوداد الرياضي يوجد للماتش ديالو ضد فريق بيترو أتلتيكو الأنغولي فعصبة أبطال إفريقيا، واللي غايتلعب السبت الجاي بلوندا عاصمة أنغولا.
الوداد الرياضي، ومن بعدما وصلو البارح بالليل إلى أنغولا فطائرة خاصة مشات من مدينة وجدة، ورتاح الفريق وغايديرو هاد العشية حصة تدريبية بلوندا، وغايركز خلالها المدرب كارلوس كاريدو على إزالة العياء من اللاعبين، خصوصا وأنه جايين من ماتش ضد بركان ورحلة لساعات من المغرب، وغايخدم معهم على الجانب البدني والتكتيكي حتى هو.
البعثة ديال الوداد الرياضي بأنغولا مرتاحة، خصوصا وأن إدارة النادي برئاسة سعيد الناصيري وفرت جميع ظروف باش تخلي اللاعبين ناشطين ومركزين غير على الماتش، وخصصت طائرة للسفر وكذلك فندق إقامة فالمستوى.