لاعب جديد كيخضع للاختبار ديال المهدي النفتي فالوداد

كتعرف تداريب الوداد الرياضي اللي بدها الفريق استعدادا لدور سدس عشر نهائي كأس العرش ضد المغرب التطواني الجمعة المقبل، تواجد لاعب جديد وسط الفريق.
وكيتعلق الأمر باللاعب أسامة فلوح اللي جا للوداد الرياضي فإطار اختبار كيخضع له تحت إشراف المدرب ديال الفريق المهدي النفتي، وإذا قنع اللاعب المذكور المدرب الودادي بالمستوى ديالو فغادي يتعاقد معه الفريق.
للإشارة فاللاعب أسامة فلوح هو مدافع عندو 23 عام، وسبق له لعب بفرنسا مع عدد من الفرق الفرنسية من بينها أنجي، ودابا هو لاعب حر، الشي اللي يخليه يتعاقد مع أي فريق حيث مازال الميركاتو بالنسبة للاعبين بدون فريق مفتوح.