إلى كملات الأمور بخير.. زياش غادي يلعب مع حكيمي فباريس سان جيرمان

غادي يلعب الدولي المغربي حكيم زياش مع النجم المغربي أشرف حكيمي فباريس سان جيرمان الفرنسي إبتداء من هاد الميركاتو، إلى كملات الأمور بخير ما بين المسؤولين ديال الفريق الفرنسي والمسؤولين ديال تشيلسي الانجليزي.
وراه وافق حكيم زياش باش ينتقل من تشيلسي الانجليزي إلى باريس سان جيرمان الفرنسي، حسب ما كشف عليه قبل لحظات، الاعلامي الإيطالي فابريسيو رومانو المتخصص فصفقات اللاعبين والمدربين فاوروبا.
وأكد نفس المصدر أن باريس سان جيرمان فمفاوضات متقدمة دابا مع تشيلسي من بعدما قبل زياش بالعرض ديالو، وكيناقشو المسؤولين ديال الفريقين الفرنسي والإنجليزي الصيغة النهائية ديال الصفقة.
https://www.facebook.com/100057525006204/posts/pfbid0dnqfLUZ3zre6HChjKJL2Vn7dxgByjzWqXDLAJbPTR6Wb6wQdZwoZuYi3WYKzhUojl/?mibextid=cr9u03