الفيفا كيحتفل بهدف السبع حكيمي مع PSG قبل المونديال وها شنو قال عليه

احتفل الاتحاد الدولي لكرة القدم بالبيت اللي ماركا الدولي المغربي أشرف حكيمي اليوم الأحد لفرقتو باريس سان جيرمان ضد أوكسير فبطولة فرنسا، وأكد بلي النجم المغربي غادي يكون من الأسلحة ديال منتخب المغرب فكوب ديموند.
الاتحاد الدولي ما ضيعش فرصة تسجيل أشرف حكيمي للهدف الثالث ديال باريس سان جيرمان وتفاعل معه وقال على حسابو فمواقع التواصل الاجتماعي: "أشرف حكيمي كيواصل التهديف، أسد الأطلس مستعد لقيادة المغرب فكأس العالم، بمستوى مميز كيقدمو كل أسبوع فتيران العاصمة الفرنسية باريس حديقة الأمراء".
وغادي يوصل أشرف حكيمي على المنتخب الوطني المغربي لقطر باش يشارك فكأس العالم، حيث ليكيب ناسيونال بقيادة الناخب الوطني وليد الركراكي شدو الطيارة للدوحة هاذ الصباح، وغادي يلعبو ماتش أميكال فالإمارات الخميس الجاي، ضد جورجيا يرجعو يكملو لبريباراسيون فقطر.
https://www.facebook.com/606721589343692/posts/pfbid0LAhTrV6wv493KqUdvgQNdfbaYRp95AR72c1xScTe92YSR4QwsWabKpBN79aBfE51l/?sfnsn=mo&extid=a