أخنوش: لقينا دعم سيدنا وتحلينا بالشجاعة باش يخرج ميثاق الاستثمار بعد نقاش كبير و7 سنين من التأخر

اعترف عزيز أخنوش، رئيس الحكومة، بوجود صعوبات في إخراج ميثاق الاستثمار، مؤكدا بأن دعم الملك له مكنه من إخراج الميثاق.
وقال أخنوش، بمجلس النواب اليوم: "خرجنا الميثاق ديال الاستثمار ف 9 أشهر، فالسنة الأولى قدرنا نخرجو، كولشي كيعرف المخاض لي دوز.. كثر من 6 ولا سبع سنين الحكومات السابقة كتهضر عليه".
وأكد أخنوش "الاسثتمار عندو عناية خاصة من سيدنا"، موضحا بلي: "كان نقاش كبير فاخراج هاد الميثاق وميمكنش نتافقو على كولشي ومن بعد داز.. تحلينا بالجرأة والشجاعة هادشي مساهلش".
وتابع: "درنا اشراك جميع الفاعلين وكاين دعم سيدنا لي تبع كولشي ودار اجتماع فهادذ الموضوع.. وخرج الميثاق وصوتو عليه فالبرلمان".
وشدد اخنوش أن "من أهداف الميثاق، خلق مناصب الشغل وتقليص الفوارق بين المناطق وتوجيه الاستثمار نحو قطاعات واعدة وتعزيز جاذبية بلادنا على المستوى العالمي وتشجيع المقاولات الوطنية والقدرة على تجاوز الواردات".