نابولي الإيطالي الأقرب لعز الدين أوناحي وفريق جديد خرج من الجنب حتى هو باغيه

كشفت آخر المؤشرات بخصوص الوجهة المقبلة للدولي المغربي عز الدين أوناحي لاعب أنجي الفرنسي، أن فريق نابولي الإيطالي هو الأقرب للفوز بخدمات اللاعب خلال الانتقالات الشتوية المقبلة، ولكن كاين فريق باغي يفاجئ الجميع وحتى حد ما كان كيتوقعو.
جريدة "ليكيب" الفرنسية نشرت قبل لحظات معلومات جديدة حول مستقبل عز الدين أوناحي نجم أنجي الفرنسي والمنتخب الوطني المغربي، وتحدثت على نابولي الإيطالي هو الأقرب لربح خدمات عز الدين أوناحي ملي يتفتح الميركاتو.
وذكر نفس المصدر أن نابولي هو الفريق الأكثر تقدما فملف التوقيت مع أوناحي وأن الفريق الإيطالي حقق الإيطاليون تقدم ملموس في الأيام الأخيرة، وحسب مصادر ديالو فنابولي اقترح عرض ثابت لانجي ومستعد يخلي له أوناحي يلعب معهم حتى يسالي الموسم الحالي، وهادشي اللي كيقلب عليه الفريق الفرنسي.
"ليكيب" كشفت أيضا، أن المفاجأة فملف انتقال عز الدين أوناحي تقدر تجي من إسبانيا ومن فريق حتى حد ما تحدث عليه من قبل، والأمر كيتعلق بألميريا اللي صبح تحت الاستثمار السعودي، وقالت على أن النادي الإسباني باغي يبقى مواصل فسياسة الاستثمار فالمواهب واللاعبين الشباب ومن بعد بيع العقود ديالهم وأن الملف الشخصي ديال عز الدين أوناحي كيتعتبر فرصة لألميريا غادي تبغي تستغلها.