النكالزة والصبليون مضاربين على عز الدين أوناحي وهو كيدوز العطلة ديالو فالمغرب

صبح انتقال اللاعبين الدوليين المغاربة محط اهتمام العديد من المتتبعين لكرة القدم الأوروبية من بعد تألقهم مع المنتخب الوطني المغربي فكأس العالم قطر 2022، وفمقدمة الأسماء اللي عليها الحديث عز الدين أوناحي.
وكشفت وسائل إعلام فرنسية ان إدارة ليستر سيتي الننكليزي وحدت عرض القيمة ديالو 45 مليون أورو، باش تحصل على خدمات عز الدين أوناحي من الفريق الفرنسي أنجي اللي كيلعب فيه، وحسب جريدة ليكيب الفرنسية، فحتى أنجي باغي يستغل الفرصة ولكن عندو شرط وهو يرسل اللعاب إعارة إلى ليستر سيتي حتى نهاية الموسم الرياضي الحالي مع أحقية الشراء، فبلاصة ما يتنازل على خدمات اللاعب بشكل كامل خلال الانتقالات الشتوية المقبلة.
أما جريدة موندو ديبورتيفو الإسبانية فكشفت أن عز الدين أوناحي مطلوب عند 2 فرق كبار فإسبانيا، والأمر كيتعلق بالبارصا وإشبيلة وأن الفريقين كيخططو باش يتعاقدو مع اللعابا، واللي كاين دابا فالمغرب كيرتاح من بعدما كان من صناع الملحمة المغربية فكأس العالم قطر 2022.