مدرب تشيلسي: زياش عندو فرجليه وتألق مع المغرب فكاس العالم ولكن خاصو يصبر باش يدير بلاصتو معيا

أكد كراهام بوتر مدرب تشيلسي الننكليزي ان الدولي المغربي حكيم زياش عندو إمكانات كبيرة، ولكن خاصو يصبر باش يدير بلاصتو فالفريق خلال الفترة المقبل.
وتحدث مدرب تشيلسي على اللاعبين ديال الفريق اللي شاركوا مع منتخباتهم فكأس العالم قطر 2022، ومن بينهم حكيم زياش اللي تألق مع المنتخب الوطني المغربي وقال عليه: "كان بعيد على التشكيلة الرسمية لتشيلسي ولكن شارك فشي ماتشات.. كنعرفو الإمكانيات ديالو وكنحبوه وهو لعاب واعر بين الخطوط وعندو إمكانيات كبيرة وشفناه فالمونديال، راه دائما كايكون لاعبين مزيانين وما كيلعبوش فالتشكيلة الرسمية، داكشي علاش خاص تصبر".
وكمل كراهام بوتر مدرب تشيلسي وقال أيضا: " انا فرحان لحكيم زياش، وكنت ديما فتصال معه فكأس العالم، وفرحت له حيث لعب الماتشات وعاون المنتخب ديالو، وهو رجل مزيان وعندو إمكانيات".
فاجأ حكيم زياش الجميع بالمستوى القوي اللي ظهر به فكأس العالم قطر 2022، مع المنتخب الوطني المغربي من بعدما كان احتياطي فتشيلسي الننكليزي لمدة طويلة، وكيشوفو الكثير من المتتبعين أن الناخب الوطني وليد الركراكي هو اللي عرف كيفاش يتعامل معه باش يخرج منو احسن ما عندو فكوب ديموند.