الركراكي: كاينين لعابا ما غاديش يشاركو فماتش الترتيب.. اللي موعت ماغاديش نريسكي به

تأكد رسميا غياب كل من غانم سايس ونصيب المزراوي على المنتخب الوطني المغربي ضد كرواتيا غدا السبت، فماتش الترتيب لتحديد المركزين الثالث والرابع فكاس العالم قطر 2022.
وكشف وليد الركراكي فالندوة الصحافية اللي كتسبق ماتش الترتيب بين المغرب وكرواتيا أن اللاعبين غانم سايس ونصير المزراوي عطاو بزاف وخصوصا سايس اللي غامرو به واخا كان موعت حيث كانوا محتاجين له يقود المنتخب فنصف النهائي وراه موعت هو والمزراوي وعطاو اللي فجهدهم.
وكمل وليد الركراكي وقال: "اللعابا اللي موعتين مازال باغيين يلعبو ماتش الترتيب ضد كرواتيا ولكن ما عاديش نخاطر بهم وخصوصا الكابيتان غانم سايس حيث قدم الجهد ديالو كامل وضحى على قبل ليكيب".