سايس: معولين نربحو كرواتيا باش نحتلو المركز الثالث فالمونديال

اكد غانم سايس الكابيتان ديال المنتخب الوطني المغربي أنه هو وصحاو فليكيب ناسيونال عازمين على الفوز ضد كرواتيا فماتش تحديد المركزين الثالث والرابع فكأس العالم قطر 2022، من أجل الحصول على الميدالية البرونزية فالبطولة، من بعد الإقصاء من دومي فينال أمام فرنسا بنتيجة 2 لزيرو.
الدولي المغربي غانم سايس فتصريح لجريدة "لو باريسيان" الفرنسية قال: "كاين جو حزين داخل المنتخب الوطني، ولكن راه درنا شي حاجة استثنائية، ومازال عندنا ماتش آخر وباغيين نحققو المركز الثالث".
غانم سايس اعتبر أن الجيل الحالي فالمنتخب الوطني المغربي مع الجمهور اللي شجعهم غادي يبقاو مثال يحتدى به فالمستقبل، سوا فكأس العالم أو كأس إفريقيا، باش المغرب يصعد لمنصات التتويج.