مكافأة للعابا ديال المنتخب قبل ماتش كرواتيا

غادي يكتفي المنتخب الوطني المغربي بحصة تدريبة واحدة قبل ماتش الترتيب السبت الجاي، ضد منتخب كرواتيا.
أوقرر الناخب الوطني وليد الركراكي يعطي للعابا اليوم الخميس عطلة، باش يرتاحو من لعيا وضغط ماتش دومي فينال كوب ديموند، اللي خسرو البارح ضد فرنسا بنتيجة 2 لزيرو، حيث اللعابا محتاجين للراحة والعلاج من الإصابات اللي عندهم.
ومن المنتظر يرجع المنتخب الوطني المغربي للتداريب يومغد الجمعة استعداد لمواجهة كرواتيا السبت، فماتش اللي غادي تكون فيه تغييرات بنسبة كبيرة فتشكيلة وليد الركراكي على اللي كان كيلعب بها المباريات من قبل فالمونديال.