ياسين بونو: المنتخب المغربي يقدر ينافس منتخبات كبار وهدف فرنسا الأول صعب علينا الماتش

أكد ياسين بونو الحارس ديال المنتخب الوطني المغربي أن الأخير أكد فكأس العالم قطر 2022، بلي يقدر ينافس المنتخبات الكبيرة، وأن الهدف الأول ديال فرنسا هو اللي صعب الماتش على ليكيب ناسيونال وخلاها تخسر بنتيجة 2 لزيرو، ما تأهلش للفينال.
وقال ياسين بونو فتصريح من بعد الهزيمة أمام فرنسا: "الماتش ما كانش ساهل، كان عندنا حلم باش نمشيو للفينال وتايقين فالفوز بهاد الماتش ولكن ما كتابش واللعابا دارو مباراة كبيرة ومجهود جبار والحمد لله على هاد الأداء ديال الدراري مازال ماتش واحد ديال الترتيب وخاصنا ناخدوه بجدية فحال ليماتش اللي دازو".
وبخصوص تأثير غياب نايف أكرد وخروج غانم سايس بسبب الاصابة قال ياسين بونو: "جواد ياميق وأشرف داري قدمو أداء كبير وما خلاوناش نحسو بالغياب ديال نايف أكرد وغانم سايس ولكروب كامل بين بلي يقدر ينافس المنتخبات الكبيرة، فالماتش ديال اليوم الهدف الأول صعب علينا الامر ولكن هادي هي كرة القدم".