النصيري خطف هدف التقدم للمغرب ضد البرتغال والشوط الاول سالا مغربي

سالا الشوط الأول من ماتش ربع نهائي كأس العالم قطر 2022، بتقدم المنتخب الوطني المغربي على منتخب البرتغال بهدف واحد لزيرو فتيران الثمامة فالعاصمة القطرية الدوحة.
وعرف الشوط الأول استحواذ من المنتخب البرتغالي على الكرة، فالوقت اللي رجع المنتخب الوطني المغربي للوراء ودار لبلوك وكيعتمد على لكونتر أتاك، مع العلم الفرص كانت متكافئة ما بين المنتخبين وقليلة حيث اللعب مسدود، وانتظر المنتخب الوطني اللحظات الأخيرة من الجولة الأولى باش يخطف هدف التقدم بواسطة القناص يوسف النصيري اللي تهز وفاجأ البرتغالييت وحط الكرة فالمرمى ديالهم، وحاولت البرتغال ترجع ولكن تسديدة برونو فيرنانديز ربت فالعارضة وخرجات ومن بعدها كان يحيى عطية الله قريب يزيد الهدف الثاني للمغرب ولكن ضرب الكرة بعيد.
ورجعو اللعابا ديال المغرب والبرتغال للفيستيير، باش يتنفسو وياخدو تعليمات جديدة من عند الناخب الوطني وليد الركراكي والمدرب البرتغالي فيرناندو سانتوس .