بدات صباح اليوم السبت عملية لتوزيع تذاكر ماتش المنتخب الوطني المغربي ضد البرتغال فربع نهائي كأس العالم قطر 2022، على الجمهور المغربي، وهو الماتش اللي غادي يبدا مع 4 لعشية ديال نفس اليوم فتيران "الثمامة" فالعاصمة القطريةالدوحة. وكيشرف على هاد العملية العضو الجامعي محمد بودريقة فتيران الجنوب بالوكرة فقطر، وتوفرت فيها 4000 تذكرة غادي يتم توزيعها على الجمهور المغربي فابور، بشرط يكون عند كل واحد باغي التذكرة جواز سفر مغربي وبطاقة هايا. وكانت الجامعة الملكية المغربية لكرة القدم برئاسة فوزي لقجع تدخلت عند الاتحاد الدولي لكرة القدم من أجل توفير أكبر عدد من تذاكر ماتش ربع نهائي كأس العالم قطر 2022، ما بين المنتخب الوطني المغربي والبرتغال للجمهور المغربي باش يساند الأسود فهاد المواجهة.
