بودريقة ل"كود": فرقنا كجامعة الفين تيكي فابور على كل مغربي عندو الباسبور وغاديين نوزعو الفين اخرى فالليل بعد ما ناخدو ترخيص وزارة الداخلية القطرية

قال العضو الجامعي محمد بودريقة ل"كود" باللي الجامعة الملكية المغربية لكرة القدم وزعات لحد الان الفين تذكرة لماتش غدا فابور فمركز المعارض حدا لوطيل اللي فيه الاسود. هاد لبلاصة هي اللي فيها التيكيتين. واكد ل"كود" "حلينا گيشي واللي عندو الباسبور مغربي كياخد تيكي فابور. دابا لحد الان وزعنا الفين"
بودريقة قال ل"كود" باللي هو اللي شرف علي العملية بعد ما كلفو رئيس الجامعة فوزي لقجع اللي كان طلب من الفيفا 5 الاف تذكرة للجمهور المغربي وخداها.
واضاف بودريقة باللي غادية توزع هاد الليلة الفين اخرى ولكن خاصهم ترخيص من وزارة الداخلية القطرية
وكان صداع بزاف ناض وشككو كثار فتوزيع التذاكر